Back Γκεντόνγκ Κίρτια Greek Gedong Kirtya English Gedong Kirtya French Gedong Kirtya ID Gedong Kirtya Italian Gedong Kirtya Dutch
 | |
 | |
| Kaadegang | 2 Juni 1928 |
|---|---|
| Genah | Jalan Veteran, No. 20, Kelurahan Paket Agung, Kecamatan Buléléng, Kabupatén Buléléng, Provinsi Bali |
| Koordinat | 8°07′29″S 115°05′46″E / 8.124843°S 115.096201°E |
| Pendiri | Herman Neubronner van der Tuuk I Gusti Putu Djelantik F.A. Liefrinck |
| Pemilik | Pamréntahan daérah Kabupatén Buléléng |
Gedong Kirtya inggih punika perpustakaan lontar sané magenah ring Jalan Veteran Nomer 20, Kelurahan Paket Agung, Kecamatan Buléléng, Kabupatén Buléléng, Provinsi Bali. Perpustakaan punika kaadegang ring tanggal 2 Juni warsa 1928 tur kasobyahang antuk kramané ring tanggal 14 Séptémber warsa 1928 olih krama Belanda ring Singaraja, Bali, sané ring galahé punika kadadosang pinaka Ibukota Sunda Alit.
Gedong Kirtya taler kabaosang Museum Gedong Kirtya. Kruna "kirtya" kausulang olih I Gusti Putu Djelantik, Raja sané ngamong Buléléng ring galahé punika. Kirtya mawit saking kruna "kr" dados "krtya", saking basa Sansekerta sané maartos utsaha. Gedung punika magenah ring kompléks Sasana Budaya, inggih punika istana tua saking krajaan Buléléng. Museum punika jimbarnyané 300 méter persegi[1].
Ring perpustakaan punika, wénten siuan koléksi manuskrip don lontar, prasasti, manuskrip kertas mabasa Bali tur maaksara Romawi rumasuk dokumén saking zaman kolonial (1901-1953) sané kasimpen ring kotak sané kawastanin keropak, keropak punika lantangnyané 60 centimeter. Makasami kasusun madasar antuk kelompok utawi klasifikasi. Barisan sané pinih ajeng inggih punika Lontar Sasak, madagin gindik budaya Sasak. Salanturnyané Matrastawa madaging indik mantra/puja/wéda, Niticastra madaging indik étik, Wariga madaging indik astronomi miwah astrologi, Tutur madaging indik piteket, Usadha madaging indik tamba tradisional, Geguritan madaging indik kidung utawi gegitaan, Babad Pamancangah madaging indik kapurwanan, miwah Satua madaging antuk satua kramané. Makasami lontarné mabasa Jawa Kuno miwah Sansekerta. Lontar Satua kémanten sané nganggén basa Bali. Museum punika sadurungné kasub mawasta "Kirtya Liefrinck Van der Tuuk" mawit saking Liefrinck Van der Tuuk, asistan resident pamerintah Belanda ring Bali, tur seneng indik kebudayaan Bali miwah Lombok.
- ↑ Media, Kompas Cyber. "Memahami Lontar, Datanglah ke Museum Gedong Kirtya". KOMPAS.com. Diakses tanggal 2019-06-09