Back Sokker-Wêreldbeker Afrikaans Fußball-Weltmeisterschaft ALS የዓለም ዋንጫ Amharic Copa Mundial de Fútbol AN كأس العالم Arabic كاس لعالم ARY كاس العالم لكورة القدم ARZ ফিফা বিশ্বকাপ Assamese Copa Mundial Masculina de Fútbol AST FİFA Dünya Kuboku Azerbaijani
 logo aksara Piala Jagat FIFA | |
| Kaadegang | 1930 |
|---|---|
| Wewidangan | Internasional (FIFA) |
| Akéh tim | 32 (final) |
| Jayanti bertahan |  Prancis (jayati ka-2) |
| Tim pinih sukses |  Brasil (5 jayanti) |
| Televisi penyiar | Lis panyiar |
| Situs web | Official website |
 Piala Jagat FIFA 2022 | |
 Argéntina, jayanti jagat sané mangkin | |
| Wimbakara | |
|---|---|
Piala Jagat FIFA, ketah kasengguh Piala Jagat, inggih punika wimbakara sépakbola internasional sané kasarengin tim nasional putra sénior saking anggota Fédération Internationale de Football Association (FIFA), badan pangatur olahraga sépakbola sajebag jagat. Wimbakara puniki kamargiang nyabran petang warsa, kakawitin saking wimbakara pardana ring warsa 1930, siosan ring warsa 1942 miwah 1946 nénten kamargiang krana wénten Yuda Jagat Kalih. Jayanti pinih ungkur punika Prancis, sané dados jayanti kaping kalih nyané ring wimbakara 2018 ring Rusia.
Format sané mangkin wénten babak kualifikasi, sané kamargiang lami inpun tigang warsa sadurungné, antuk manentuang tim sira sané lolos nuju babak wimbakara. Ring babak wimbakara, 32 tim (rumasuk negara tuan umah sané otomatis lolos) masaing ngaperebutang gelar ring genah-genah ring negara tuan umah sawatara asasih.
Piala Jagat punika wimbakara sépakbola pinih kaloktah ring jagatné, taler acara olahraga tunggal sané pinih akéh kacingak miwah kasarengin ring jagat. Panayangan kumulatif saking makasami laga Piala Jagat 2006 kanikayang sawatara 26.29 miliar antuk sawatara 715.1 yuta jadma dados pamiarsa laga final, sapersia saking samian populasi planét Jagat.[1][2][3][4]
Pitulas negara sampun dados tuan umah Piala Jagat. Brasil, Prancis, Italia, Jerman, miwah Méksiko soang-soang sampun dados tuan umah ping kalih, wénten Uruguay, Swiss, Swédia, Chili, Inggris, Argéntina, Spanyol, Amérika Serikat, Jepang, miwah Koréa Kelod (sareng-sareng), Afrika Kelod, miwah Rusia soang-soang sampun dados tuan umah ping asiki. Qatar pacang dados tuan umah wimbakara 2022, miwah warsa 2026 pacang kaselenggara sarengan olih Kanada, Amérika Serikat, miwah Méksiko, sané pacang manadosang Méksiko dados negara kapertama sané dados tuan umah laga ring tiga Piala Jagat.
- ↑ "2006 FIFA World Cup broadcast wider, longer and farther than ever before". FIFA.com. Fédération Internationale de Football Association. 6 February 2007. Kaarsipin saking versi asli tanggal 20 January 2012. Kaaksés 11 October 2009.
- ↑ Tom Dunmore, Historical Dictionary of Soccer, page 235, quote "Piala Jagat mangkin dados acara olahraga sané pinih akéh kapebalih ring jagat saking télévisi, asapunika sampun ring duur Olimpiade."
- ↑ Stephen Dobson and John Goddard, The Economics of Football, page 407, quote "Piala Jagat inggih punika acara olahraga pinih akéh kapebalih ring jagat: kacawang kumulatif pamiarsa télévisi antuk Piala Jagat 2006 ring Jerman punika 26.2 miliar, rerata 409 yuta pamiarsa per laga."
- ↑ Glenn M. Wong, The Comprehensive Guide to Careers in Sports, page 144, quote "Piala Jagat inggih punika acara olahraga pinih akéh kapebalih ring jagat. Ring warsa 2006, langkung saking 30 miliar pamirsa ring 214 negara mabalih Piala Jagat ring télévisi, miwah langkung saking 3.3 yuta pamiarsa ngarauhin 64 laga wimbakara."