Back Equator Monument English Tugu Khatulistiwa ID 赤道記念碑 Japanese Tugu Khatulistiwa JV Tugu Khatulistiwa MIN Tugu Khatulistiwa Dutch Монумент экватору Russian 赤道纪念碑 Chinese
Tugu Khatulistiwa utawi Monumén Ékuator inggih punika silih tunggil tugu sané magenah ring Jalan Khatulistiwa, Pontianak, Propinsi Kalimantan Barat, Indonésia. Wangunan puniki magenah tigang kilométer saking pusat kota Pontianak, ka kota Mempawah. Tugu punika silih tunggil simbol wisata Kota Pontianak sané karauhin olih krama wisatawané sané malancaran ka Pontianak. Lelintihan indik Tugu Khatulistiwa wénten ring catetan sané wénten ring tengahing gedung. Ring catetan punika kabaosang indik catetan sané kapolihang ring warsa 1941 saking V. en. W olih Opzichter Wiese, sané kaambil ring Bijdragen tot de geographie saking Chef Van den topographischen dienst in Nederlandsch- Indië: Den 31 sten Maart 1928 sampun rauh ring kota Pontianak tur madué konstruksi sakadi:
- Tugu kapertama kawangun ring warsa 1928 mawentuk tonggak miwah anak panah
- Warsa 1930 kasempurnayang, mawentuk tonggak miwah lingkatan tur anak panah
- Warsa 1938 kawangun malih antuk kasempurnayang olih opzicter utawi arsiték Silaban. Tugu asli punika kacingakin ring tengahnyané
- Warsa 1990, Tugu Khatulistiwa punika kabecikang antuk kakaryanin kubah sané kaanggén ngelindungin tugu asli tur kakaryanin duplikat tugu sané agengnyané limang kali langkungan saking tugu aslinnyané. Tugu punika karesmiang ring tanggal 21 Septémber 1991.
Wangunan tugu punika kapah dados petang tonggak kayu belian utawi kayu wesi, sané madiaméter 0.30 méter, tegehnyané tonggak pahan ajeng wénten duang wuah sané tegehnyané 3.05 méter tur tonggak sané ring ungkur genah lingkaran tur anak panah penunjuk sané tegehnyané 4.40 méter.[1]
- ↑ Kaya, Indonésia. "Tugu Khatulistiwa, Ikon Sejarah Kota Pontianak : Pariwisata - Situs Budaya Indonésia". IndonésiaKaya (ring Indonésia). Kaaksés 2020-03-01.CS1 maint: unrecognized language (link)