Donald Trump

Da Donald John Trump (* 14. Juni 1946 in New York City, Vaoanigte Stootn) is a amerikanischa Politika. Seit 2025 is a da 47. President vo seim Land. Davor woa da Trump bereits vo 2017 bis 2021 da 45. President vo de USA. Ea is a Mitglied vo da Republikanischn Partei. De Eijtan vo seim Vodan, da Trump Friedrich und de Christ Elisabeth, san aus Kallstadt in da Pfalz kemma, des woa damois no a Teij vom Kinereich Bayern.

Da Trump hod am 8. Novemba 2016 de Presidentschaftswoi gwunna, obwoi de Demokratin Hillary Clinton de Mehrheit vo de Stimman griagt hod, wos in Amerika ois "Popular Vote" bekannt is. Am End hod da Trump oba 304 Wahlmänner auf seiner Seitn ghobt und sei Gegnerin Clinton bloß 227. Ea is am 20. Jenna 2017 zum 45. Presidentn vo de USA vaeidigt woan. Sei Vizepresident woa da Mike Pence.

De Presidentschaftswoi im Novemba 2020 hod ea gengan Demokraten Joe Biden verloren. Daraufhin hot ea damois von einer "gstohlenen Woi" gsprochn und die Niederlage gengan Biden bis heit ned anerkannt, deswegn hat ea a ned an der Vaeidigung vom Biden am 20. Jenna 2021 teilgenommen.

Im Juli 2024 is ea no amoi Presidentschaftskandidat vo seiner Partei worn. Im Novemba 2024 hod ea die Presidentschaftswoi gegn de Demokratin Kamala Harris, de Vizepresidentin da USA in da Regierung vom Biden, gwunna. Damit is ea am 20. Jenna 2025 zum 47. Presidentn vo de USA vaeidigt woan. Sei Vizepresident in da 2. Amtszeit is da JD Vance.