A Heischebrauch (kimmt vo heischen[1]) is a Brauch, wo s ums Bittn um Gobn gähd. A bsundare Foam vom Heischebrauch is im Boarischn da Eihkeahbrauch, wo ma si in da Stubn vom Gostgeba bewiatn losst.
Des Brauchdum hod zwoa Grundfunktiona. Easchtns schlechte Natuageista vatreibn, voa oim Wintageista, und zwoatns a wengal soziale Umvateilung - de Eaman griang a bissl wos vo de Reichan.
As modeane trick-or-treat za Halloween is zwor aa a Heischebrauch, untascheidt so oba vom boarischn Brauchdum in oam wesentlichn Punkt: Im traditionejn boarischn Brauchdum muasst a Leistung bringa, damidsd a Belohnung griagst: Singa, Musizian, a Gedichtl afsogn und so weida. Des Stroachspuin wann ma nix griagt, gibts oba aa im Boarischn.