Joe Zawinul

Joe Zawinul, eigentlich Josef Erich Zawinul, (* 7. Juli 1932 in Wean; † 11. September 2007 in Wean) woa a österreichischa Jazz-Pianist, Keyboarda, Komponist, Käpömasta (Bandleader) und Arrangeur. Zauman mitn Miles Davis hod ea de Stürichtung vom Electric Jazz entwicklt, de wos a Jazzrock gnennt wiad.^[1] Zawinul is noch Aunsicht vo Musikan und Kritiksm da anzige eiropäische Musika, dea iwa an längan Zeitraum in ana Hauptströmung (Mainstream) vom Jazz vo prägenda Bedeitung gwen is.^[2][3] Ea güt ois ana vo de gaunz weinign Keyboard-Spüla, de wos am eiganan Spüi und am woaman, natialichen Klaung eakennboa san. De vom Joe und vom Wayne Shorter gfiate Gruppn Weather Report hod da Josef Woodard in da Zeitschrift Down Beat im Jenna 2001 ois de „herausragendste Jazzband der letzten 30 Joa des 20. Joahundats“ bezeichnet.^[4]

1. ↑ Karl Lippegaus: Rock Jazz. In: Joachim Ernst Berendt Die Story des Jazz. Reinbek 1991 (1975), S. 223-246
2. ↑ Herbie Hancock: „He opened up a doorway between jazz and rock ’n’ roll and was a major influence on Miles Davis, Wayne Shorter and me. The world has never been the same since he made his contribution to our society.“ 9. November 2007
3. ↑ „Pianist Joe Zawinul ist tot“, dpa / Stuttgarter Zeitung, 26. September 2007
4. ↑ Das ist die Kunst, Weltwoche, 2006, Nr. 12, Interview, (PDF-Datei, 2 S.), Zawinulonline Bericht