Leonardo da Vinci

Da Leonardo da Vinci (* 15. Aprui 1452 iz Anchiano bei Vinc, ois Leonardo di ser Piero; † 2. Mai 1519 af Schloos Clos Lucé, Amboise) wor a italienischa Mola, Buidhaua, Eafinda, Ingenieur, Mathematika, Architekt, Anatom, Musika, Botanika, Dichda, Autor und Natuaphilosoph. Ea guit ois berihmtasdas Universalgenie vo oin Zeidn. Sei Nama "da Vinci" is koa Famijnama sondan a Heakunftsnama und hoasst "aus Vinci", a Doaf, wo umara 30 km westli vo Florenz in da Toskana liegt.

Berihmt is da Leonardo voa oim ois Mola. Sei Mona Lisa vialeicht as bekanntaste Portret ibahapts^[2]. As lezde Omdmalal is oans vo de berihmtasdn religiesn Kunstweak und sei Zoachnung Da vitruvianische Mensch is zua klassischn Ikone worn.

Da Leonardo wor aa a technisches Genie und seina Zeid weid voaraus. Ea hod Flugmaschina konstruiad, an Panza, a Solarkroftweak und a Rechnmaschin. De moastn vo de Eafindunga san ned realisiad word, wei des technisch zu seina Zeid gor ned megli gwen warad. Kloanare Eafindunga san owa umgsezd worn.

1. ↑ Peter Dittmar: Zeichnete Leonardo da Vinci dieses Selbstporträt?, welt.de, 3. Meaz 2009.
2. ↑ John Lichfield, The Moving of the Mona Lisa (Memento des Originals [1] vom 15. Óktówer 2015 im Internet Archive)  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.independent.co.uk, The Independent, 2005-04-02 (accessed 2012-03-09)