Loriot

Loriot, biagalich Bernhard Victor Christoph-Carl von Bülow, kuaz Vicco von Bülow (* 12. Novemba 1923 in Brandenburg an der Havel; † 22. August 2011 in Ammerland am Starnberger See^[1]) woa a Karikaturist, Regisseur, Schauspüla, Bühnen- und Kostümbüdna. Anno 2003 is a vau da Universität der Künste Berlin zum Professor fia Theaterkunst eanennt wuan. Da Loriot güt ois ana vo de vüseitigstn und bedeitendstn deitschn Humoristn.

Sei Künstlanaum Loriot kummt vaum franzesischn Begriff fian Vogl Pirol, des wos des Woppmviech vo da Famülie von Bülow is. Und Bülow is in Mecklenburg, wo des Odlsgschecht dahaam is, aa de gängige Bezeichnung fian Pirol.

1. ↑ Meldung des Diogenes Verlages: Loriot alias Vicco von Bülow gestorben