Nahnodl

A Nahnodl (dt. Nähnadel, engl. sewing needle) ois Handnahnodl is a gloans, schmois, langstreggds Stechweakzeig mid an Spiiz af oana Seitn und an "Eah" (vo Oah) af da andan. De friaastn Nodln worn aus Boa oda Hoiz. Modeane Nodln san aus Metoi.

De Voalaifa vo de Nahnodln san Nahoin (dt. Nähahlen, engl. sewing awls), de wo koa Eah hom und nua zun Lochstecha vawendd wean. Nahoin hom scho de Neandadola fias Zammaflicka vo eanan Fejgwand gnuzzd.