Nochhoizeit

De Nochhoizeit T (dt. Nachhallzeit, engl. reverberation time) is de Zeid, de nochm Ohschoitn von ana Schoiquöön vageht, bis da Schoidruckpegl im Raum um 60 dB owegaungan is. De Eiheit vo da Nochhoizeit is Sekunde. [T] = s.

Du kaunst das da mit da Sabine'schen Nochhoizeitfuaml ausrechna:

${\displaystyle T=0,163\cdot {\frac {V}{A}}}$

mit:

• T ... Nochhoizeit [s]
• V ... Volumen vom Raum [m³]
• A ... Equivalente Schoiabsorptionsflächn [m²]

Umgekehrt kaunst da so de Equivalente Schoiabsorptionsflächn und nochhea in mittlan Schoiabsorptionsgrod ausrechna, waun de Nochhoizeit bekaunt is. Des mochd ma bei Noamprüfungan im Hoiraum.

${\displaystyle A_{ohne}={\frac {0,163\cdot V}{T_{ohne}}}}$

${\displaystyle A_{mit}={\frac {0,163\cdot V}{T_{mit}}}}$

${\displaystyle \alpha _{s}={\frac {A_{mit}-A_{ohne}}{S}}}$

mit:

• A_ohne ... Equivalente Schoiabsorptionsflächn bei da Messung im laarn Hoiraum [m²]
• A_mit ... Equivalente Schoiabsorptionsflächn bei da Messung mit'm Prüfgegenstaund [m²]
• T_ohne ... Nochhoizeit bei da Messung im laarn Hoiraum [s]
• T_mit ... Nochhoizeit bei da Messung mim Prüfgegnstaund [s]
• V ... Voluman vom Raum [m³]
• α_s...Schoiabsorptionsgrod
• S ... Flächn vom Prüfgegnstaund [m²]

De Optimale Nochhoizeit T_opt is ohhängig vom Volumen und ihm Vawendungszweck vom Raum. Zu launge Nochhoizeitn fian dazua, dassd mi nimma deitlich vastehst, waun i wos sog, oda dass de Musi ned aungenehm klingt, wäu si de Schoiwöön iwalagern. Waun de Nochhoizeit zu gring is, heast mi vü z'leis.

Optimale Nochhoizeiten gemäß ÖNORM B 8115-3:

• Kommunikatiaun: T_opt = 0,32 · logV - 0,17
• Sproch: T_opt = 0,37 · logV - 0,14
• Musiauffiahrung: T_opt = 0,45 · logV + 0,07
• Musiproberaime: T_opt = 0,47 · logV - 0,37

Frequenzohhängige Ohweichunga vo da optimoin Nochhoizeit kennan mit an Diagraum eamittlt und entsprechend korrigiat wean.