Reichsgrafschaft Ortenburg

Territorium im Heilign Römischn Reich
Reichsgrafschaft Ortenburg
Wappm
Koatn
De Gebietsentwicklung vo da Reichsgrafschaft Otnbuag vo 1350 bis 1789.
Andane Nam	Grafschaft Ortenburg, Grafschaft Ortenberg, Grafschaft Artenberg
Entstandn aus	Herzogtum Bayern
Herrschaftsform	Monarchie
Herrscher/Regiarung	Reichsgraf
Heidige Regiona	DE-BY
Reichsdog	1 Kuriatstimme am Reichsfürstenrat ois Mitglied vom Wetterauischen Reichsgrafenkollegium
Reichsmatrikel	1521: 2 Reita und 6 z Fuaß; 1681: 4 Reita und 26 z Fuaß
Reichskreis	Bayerisch
Hauptstädte/Residenzn	Otnbuag
Dynastien	Haus Ortenburg
Konfession/Religiona	bis 1563 katholisch, danach lutherisch
Sproch/n	Deitsch, Boarisch
Aufganga in	Aufganga 1805 duach an Vakauf a d Kurpfalz-Bayern

D Reichsgrafschaft Ortenburg wara reichsunmittelbare Grafschaft am Heilign Römischn Reich. Da Hauptsiez war d Feste Ortenburg iban Moak Otnbuag z Niederbayern (heind: Landkroas Bassa). D Reichsgrafschaft hod vo eba 1120 bis 1805 mittn am Herrschaftsraum vom Herzogtum Bayern bstandn. Am Hochmittelalter hod d Grafschaft Gebiete in Altbayern, a da Obapfoiz, Obaestarreich, Niedaestarreich und Tiroi ghod. A da Mittn vom 13. Joahundat hand oba eana Macht und da Herrschaftsraum gleana won se auf grod amoi 4 Quadratkilomeda um Otnbuag rumdum vagleanad. Oba sein Einluss und sei Unabhängigkeit hod se d Reichgrafschaft bis zum Dausch mim boarischn Kuafiaschtn 1805 ghoidn kinna. Nochm Niadagang vo de Grafen vo Otnbuag hamd se de Wittelsbacha den sognenndn „Ortenburger Panther“ a erna Erbwappm aufgnumma, um eanane Ansprich auf de oidboarischn Gebiete zum vadeitlichn. Heid isa im Boarischn Staatswappm und stehd fia Oba- und Niedabayern.