Soziale Medien

Soziale Medien oda Social Media san digitale Medien und Technologien (vgl. Social Software), de wos fian Nutza meglich mocha, untaeinonda z kommunizian und Inhoide aasztauschn, owa aa gmoasam zua entwicken. Da wesentliche Untaschied zu heakemmlichn Medien is de zuanehmende Bedeitung vo Interaktion, des hoasst aus Monolog wead in sozialn Medien Dialog^[1].

De Professorn Anderl Kaplan und Michi Hänlein definiern de sozialn Medien ois „a Gruppn vo Netzowendunga, de oifn technologischm und ideologischm Grundlagern vom Web 2.0 aufbauan duan und de Herstellung und an Astausch vom User Generated Content meglich mochan“.^[2]

De Sozialn Medien feadan de Demokratisiarung vo Wissn und Information. Da Nutza vo Wissn und Information wead sejm aa zum Produzentn. Des bedeidt, dass zwischn Senda und Empfänga vo Informationa koa Gfälle mea bsteht. Kommuniziat wead mid Text, Buid, Audio und Video.

De sozialn Medien hom scho seit Mitn vo de 1990a Joa zuanehmend Interesse gweckt^[3]. Deazeit wead des wiatschoftliche Potenzial vo de Sozialn Medien entdeckt und imma steaka gnutzt.

1. ↑ Brennan Valerie, (2010), Navigating Social Media in the Business World, Licensing Journal, Vol.1, p.8-12.
2. ↑ Kaplan, Andreas M.; Michael Haenlein (2010) "Users of the world, unite! The challenges and opportunities of Social Media". Business Horizons 53(1): 59–68.
3. ↑ Klein Lisa R. : Evaluating the Potential of Interactive Media through a New lens: Search versus Experience Goods Journal of Business Research Vol.41, 1998 s. 195-203