Zigori

Zigori
Zigori (Kuhblume, Löwenzahn)
Systematik
Eudikotyledonen Ordnung: Asternårtige (Asterales) Famij: Kórbpliatler (Asteraceae) Goddung: Léwnzåhn, Zigori (Taraxacum) Oart: Zigori
Wissnschoftlicha Nama
Taraxacum officinale

In Sidtiról isch Zigori oft die Pezeichnung firn „Löwenzahn“. Der hoachtaitsche Nåmen isch nét eindaitig; mit der Pezeichnung kénnen zwoa Gåttungen mit jeweils mehrere Årtn gmoant sein:

• Löwenzahn = Leuenzahn (Leontodon)
• Löwenzahn = Kuhblume (Taraxacum)

Gmoant isch mit Zigori normalerweis Taraxacum officinale, der weltweit verproatet, unt aa in Mittleurópa der haifigste isch. Die Pflånz håt laut Hegi in deitschn Språchraum zåhlreiche Dialektnamen. In sidpoarischn Språchraum isch’i unter Maiblume, Röhrlsalat, Milchpluime, Fåknploam, Hundsålet ... pekånnt. Wegnen psundern Fruchtstånt håt sie in Nåmen „Pusteblume“, unt aa die kloan Kinder kénnen sie. Der Nåmen Zigori isch va der Zichorie (Wegwarte) ågleitet, dé éhnliche Laber håt. Weil er va éhnliche Artn nét leicht unterscheidpår isch, wern aa dé éfter mit’n gleichn Nåmen petitlt.