Euruopa

Euruopa — vėns mažiausiu (ontros pu Australėjės) Svieta žemīnu, anuos pluots (10,4 mln. km²), ožjem tiktās 1/15-ājė svieta terituorėjės. Karto so Azėjė sodara Eurazėjės žemīna. Euruopuo gīvėn aple 745 mln. žmuoniū (trets palē gīvėntuoju skaitliu žemīns pu Afrėkas ė Azėjės). Euruopa tēpuogė tonkē īr vadėnama „Senoujo kuontinento“ kāp prīšprīša „Naujājam kuontinentou“ (Amerėka).

„Euruopa“ īr vėns ėš dėdliausē gėnčītėnu geuograpėniu termėnū. Patė pavadėnėma etimuoluogėjė nier aiškė, tēpuogė ginčītėnė īr Euruopas robežē.

• Pluots – 10,18 mln. kvadratėniu km;
• Gīvėntuoju skaitlios – 745 mln.;
• Aukštiausis kalns – Monblans – 4807 m;
• Ėlgiausė opė – Volga – 3531 km;
• Dėdliausis ežers – Ladoga – 17700 kvadratėniu km;
• Dėdliausis miests – Maskva – 10 mln. gīvėntuoju.

Skėrtėnguom metuodoluogėjuom skaitliounont, žemīna sodara 44-50 sovereniū šaliū (aba anū šmuotu), ėš katrū 27 prigol ES, vuo net 46 - Euruopas Tarībā.