Chimera (mitolohiya)

Plantilya:Infobox deity

Susog sa mitolohiyang Griyego, ^[1] an Chimera, Chimaera, Chimæra, o Khimaira ( /k aɪ ˈ m ɪər ə , k ɪ -/ ky-MEER-ə, kih- ) ^[2] sarong makangingirhat na mestisong linalang na naghahangos nin kalayo gikan sa Lycia, Asya Minor, na kompuesto nin manlaen-laen na parte nin hayop. Sa parati, ini piglaladawan bilang sarong leon na may payo nin kanding na nakaluwas sa likod kaini asin an ikog na nagtatapos sa payo nin halas . An nagkapirang representasyon igwa man nin mga pakpak nin dragon. Ini sarong aki ni Typhon asin Echidna asin sarong tugang kan mga halimaw arog ni Cerberus asin kan Lernaean Hydra .

An terminong "chimera" nag-abot tanganing iladawan an arin man na mitolohiko o fiksyunal na linalang na may mga parte na kinua sa manlaen-laen na hayop, tanganing iladawan an anuman na kompuesto nin magkalaen na parte o pighihiling bilang mabangis na imahinasyon, dai mapapaniwalaan, o nakakasilaw. Sa ibang pagtaram, an sarong chimera pwedeng magin arin man na mestisong linalang.

Sa piguratibong paggamit, na hale sa mitolohikong kahulugan, an "chimera" nanonongod sa sarong bakong realistiko, o dai marealisar, ligaw, lolong o daing kamanungdanan na pangaturugan, nosyon o obheto.

1. ↑ Becchio, Bruno; Schadé, Johannes P. (2006). Encyclopedia of World Religions (in English). Foreign Media Group. ISBN 9781601360007. Retrieved 27 April 2019. 
2. ↑ Graves, Robert (2017). The Greek Myths: The Complete and Definitive Edition. Penguin Books Limited. p. 11. ISBN 9780241983386.