IU

Saro ining pangarang Koreano; an apelyido iyo an Lee.

IU
Si IU sa saiyang Love Poem na konsyerto kan Nobyembre 2019
Kamundagan	Lee Ji-eun (1993-05-16) Mayo 16, 1993 (edad 31) Songjeong-dong, Seoul, Sur na Korea
Trabaho	Parakanta Kompositor Aktres
Mga taon na aktibo	2008–Ngunyan
Musical career
Mga genre	K-pop Contemporary R&B Soul
Mga instrumento	Bokal
Mga tatak	EDAM (Kakao M) Universal Japan Warner Taiwan
Lagda

Si Lee Ji-eun (Koreano: 이지은; Hanja: 李知恩; namondag kan Mayo 16, 1993), na mas bistado sa pangarang IU (Koreano: 아이유), iyo sarong parakanta, kompositor, asin aktres sa Sur na Korea. Nagpirma siya sa Kakao M (nagligad na LOEN Entertainment) kan taong 2007 bilang sarong trainee asin nagluwas bilang parakanta sa edad na kinse kaiba an saiyang album na Lost and Found. Maski ngani an saiyang nagsunod na album, an Growing Up asin IU...IM, nakakua nin dakulang trayumpo sa pakatapos kan pagluwas kan "Good Day", an pangenot na solo talaga niya sa 2010 niyang album na Real kun sain siya nakaguno nin pang-nasyunal na kasikatan. An "Good Day" nagtinir nin limang sunod-sunod na semana sa itaas na posisyon kan Gaon Digital Chart nin Sur na Korea, asin kan 2019 nagin numero uno ini sa 100 Greatest K-Pop Songs of the 2010s kan magasin na Billboard.^[1]

Sa trayumpo kan saiyang mga album kan 2011, an Real+ asin Last Fantasy, dagos na si IU nagin pusog na puwersa sa mga music chart kan saiyang sadiring nasyun asin pig-semento an saiyang girl next door na imahe bilang "little sister" kan Korea^[2][3] Taon man nin 2011 kun sain linaog niya an pagsurat nin kanta. Saro sa mga enot na kanta niya iyo an "Hold My Hand", kun sain pigsurat niya para sa telebisyong serye na The Greatest Love. An saiyang ikatolo na full-length na album, an Modern Times (2013), iyo nagpahiling nin mas mature na estilo na nagin marka kan pagluwas niya sa girlish na imahe niya kaidto, kaiba man an nagkapirang mga kanta niya na nakaabot sa enot na sampulong posisyon sa Gaon Digital Chart.^[2] Habang ngani an saiyang mga subsekwentong pigluwas, arug kan mga album na A Flower Bookmark, Chat-Shire, asin Palette, padagos an paglihis sa bistadong estilo nin K-pop, napadagos man giraray ni IU an pagdomina sa mga music chart.^[4][5][6] An Chat-Shire iyo an nagmarka saiya sa enot na pagkakataon bilang solong lirista asin kompositor sa sadiring niyang album.^[7][8]

Pigluwas ni IU an total na apat na studio albums asin siyam na extended plays sa saiyang karera, kun sain nagmarka ini nin tolong numero unong album asin bente-kwatrong numerong unong solo sa Gaon Music Charts. Saro siya sa mga pinaka-mabentang solong akto sa industriya nin K-pop na dominano nin mga grupo,^[9] kun sain man napabale siya sa taunang listahan kan Korea Power Celebrity nin magasin na Forbes poon 2012 asin nakaabot sa pinakahalangkaw na rango bilang ikatolo sa nasambit na taon.^[10] An Billboard pigbisto si IU bilang lider sa gabos na oras kan Korea K-Pop Hot 100 na tsart kun sain siya an may pinakadakol na numero unong kanta asin an artista na pigkapotan an numerong unong posisyon sa pinakadakol na semana.^[11] Segun sa surbey kan Gallup Korea, siya an pinakapopular na idolo asin artista sa mga taga Sur na Korea kan taong 2017.^[12]

Luwas sa saiyang karera sa musika, piglaog naman ni IU an hosting sa radyo asin mga palabas sa telebisyon, pati naman an pag-arte. Pagkatapos kan saiyang menor na papel sa pang-joven na drama na Dream High asin menor na pagluwas sa nagkapirang mga telebisyong serye, si IU nagin pangenot na bida sa You're the Best, Lee Soon-shin, Pretty Man, The Producers, Moon Lovers: Scarlet Heart Ryeo, My Mister, Persona asin Hotel del Luna.

1. ↑ Billboard Staff (November 25, 2019). "The 100 Greatest K-Pop Songs of the 2010s: Staff List". Billboard (in English). Retrieved November 26, 2019.  Unknown parameter |url-status= ignored (help)
2. ↑ ^{2.0 2.1} Oak, Jessica (October 9, 2013). "IU Exudes Maturity on New LP 'Modern Times'". Billboard. Retrieved January 2, 2016. 
3. ↑ Benjamin, Jeff (September 17, 2012). "IU: 21 Under 21 (2012)". Billboard. Retrieved November 8, 2015. 
4. ↑ Sohn, Ji-young (May 16, 2014). "IU sweeps charts with covers album". The Korea Herald (Seoul). http://www.koreaherald.com/view.php?ud=20140516000774. Retrieved on November 10, 2015. 
5. ↑ "IU tops eight domestic charts with new song "Twenty-Three"". The Korea Times (South Korea). October 23, 2015. http://www.koreatimes.co.kr/www/news/culture/2015/11/143_189287.html. Retrieved on November 8, 2015. 
6. ↑ Benjamin, Jeff (November 3, 2015). "IU's Best Deep Album Cuts: 'The Shower,' '23' & More". Billboard. Retrieved November 10, 2015. 
7. ↑ Benjamin, Jeff (October 26, 2015). "IU Details the Toils of Being 'Twenty-Three' in Most Personal Single Yet". Billboard. Retrieved November 8, 2015. 
8. ↑ "IU tunes in with self-composed album". The Korea Times (Seoul). October 12, 2015. http://www.koreatimes.co.kr/www/news/culture/2015/10/386_188459.html. Retrieved on November 7, 2015. 
9. ↑ Faughnder, Ryan (August 24, 2015). "Korean pop fans get intimate with the music at KCON". Los Angeles Times (Los Angeles). http://articles.latimes.com/2013/aug/24/local/la-me-kcon-20130825. Retrieved on February 6, 2016. 
10. ↑ References for Forbes magazine's Korea Power Celebrity 40:
    • "Forbes Korea's Top 'Power Celebrity 40' ranking". Yahoo. February 28, 2012. Archived from the original on February 5, 2016. Retrieved January 17, 2016.  Unknown parameter |url-status= ignored (help)
    • "Forbes Korea's Top 10 Celebs". Forbes. April 3, 2013. Retrieved January 17, 2016. 
    • Benjamin, Jeff (March 4, 2014). "Girls' Generation & BIGBANG Top, PSY Tumbles Down Forbes Korea's Celebrity List". Billboard. Retrieved January 17, 2016. 
    • Choi, Eun-kyung (February 23, 2015). "2015 KOREA POWER CELEBRITY 40 - 엑소, 한국 최고의 파워 셀러브리티" (in Korean). Forbes Korea (JoongAng Media Network). http://jmagazine.joins.com/forbes/view/305259. Retrieved on January 17, 2016. 
    • Cho, Deuk-jin (February 26, 2016). "Exo and Yoo Ah-in ranked top stars". Korea JoongAng Daily. http://koreajoongangdaily.joins.com/news/article/article.aspx?aid=3015489. Retrieved on February 26, 2016. 
11. ↑ Benjamin, Jeff (May 5, 2014). "IU Earns Fifth K-Pop Hot 100 No. 1, Becomes All-Time Chart Leader". Billboard. Retrieved January 11, 2016. 
12. ↑ 2017년 올해를 빛낸 가수와 가요 - 최근 11년간 추이, 아이돌 선호도 포함 [2017, Outstanding Singer and Songs This Year – Including Trends and Idol Preferences For The Last 10 Years] (in Korean). Gallup Korea. December 19, 2017.