Linutong karne norte | |
Alternatibong ngaran | Corned beef |
---|---|
Pangenot na salak | Baka, asin |
Baryasyon | Pagdagdag nin asukar asin espesya |
An karne norte (Ingles: corned beef) iyo pig-asinan na pitso nin baka.[1] Nagpoon an kaapudang ini gikan sa tataramong Kastila, asin "amihanang karne" an boot-sabihon kaini. An kaapudan man sa Ingles iyo naggikan sa darakulang asin na piggagamit sa pag-iimbak kan karne, na inaapod na "corn". Minsan, pigsasalakan ini nin asukar asin espesya. Pigtatampok man an karne norte bilang salak sa dakulon na mga lutuon.
Igwa nin nitrato sa kadaklan nin mga resipi kaini, na nagbabalyo sa likas na myoglobin sa baka na magin nitrosomyoglobin, na iyo nagpapakulay-rosas sa karne. An mga nitrato asin nitrite iyo nakakabawas sa pagigin delikado kan botulismo habang inaasin sa pagpugol nin pagdakol kan Clostridium botulinum,[2] pero naitakod man ini sa naglalangkaw na karautan nin kanser sa mga kino.[3] Kulay-abo an bakang inasin na mayong nitrato o nitrite, asin inaapod minsan na New England corned beef.[4]
Nagin sikat na pagkakan an karne norte sa mga giyera, kabali digdi an Enot na Gerang Pankinaban asin Ikaduwang Gerang Pankinaban, kun nuarin nirasyon an preskong karne. Sikat pa man ini sa bilog na kinaban bilang salak sa mga pagkakan sa manlainlain na mga rehiyon asin harus parte sa modernong rasyon kan manlainlain na militar sa kinaban.
|access-date=
(help)
|access-date=
(help)
|access-date=
(help)
|access-date=, |date=
(help)