Robert Louis Stevenson

Robert Louis Stevenson
Stevenson kan 1893
Minundagan	Robert Lewis Balfour Stevenson (1850-11-13)13 Nobyembre 1850 Edinburgh, Eskosya
Kagadanan	3 Desyembre 1894(1894-12-03) (edad 44) Vailima, Samoa
Kasibotan	Novelist poet travel writer
Alma mater	University of Edinburgh
Panahon	Victorian era
Bantog na gibo	Treasure Island A Child's Garden of Verses Kidnapped Strange Case of Dr Jekyll and Mr Hyde
Sadiring-tawo	Lloyd Osbourne (stepson) Isobel Osbourne (stepdaughter) Edward Salisbury Field (pinanlulumanak)
Lagdâ

Si Robert Louis Stevenson (namundag Robert Lewis Balfour Stevenson; 13 Nobyembre 1850 – 3 Desyembre 1894) sarong Eskoses na nobelista, parasaysay, pararawit asin parasurat sa mga byaahe. Siya midbid na marhay kan saiyang mga sinurat na arog kan Treasure Island, Strange Case of Dr Jekyll and Mr Hyde, Kidnapped asin A Child's Garden of Verses.

Namundag asin nag'adal sa Edinburgh, si Stevenson nagsasapo nin helang sa bronkiyal (parteng halanohan) sa haros lawig kan saiyang buhay, alagad labolabo an saiyang pagsurat asin pagbyahe kun saen-saen apesar kan saiyang kamatean. Kan siya hubin pa, siya nakikiramas sa sirkulo nin mga parasurat sa London, na hustong gayo an suporta saiya na Andrew Lang, Edmund Gosse,^[1] Leslie Stephen asin W. E. Henley, an huri na iyo an posible nagtao saiya nin modelo para sa Long John Silver sa Treasure Island. Kan 1890, siya nag'estar sa Samoa kun saen, naalarma kan paglaog kan malaen na impluwensya dara kan mga Europeo asin Amerikano sa isla Pasipikong ini, siya nagpoon nang magsurat dapit sa kakanosan nin realidad asin nag'untok pagsurat nin mga adbentura asin romansang piksyon. Siya nagadan huli sa stroke sa saiyang residensya sa isla Samoa kan 1894 sa edad na 44.^[2]

Sarong celebrity kan siya buhay pa, an reputasyon ni Stevenson nababa nataas alagad sa presente an saiyang mga trabaho inuumaw man. Kan 2018 siya pigta'wan ranggo sa likod sana ni Charles Dickens, komo an saiyang mga sinurat iyo an nag'ika-26 na napalis sa bilog na kinaban.^[3]

1. ↑ Gosse, Edmund William (1911). "Stevenson, Robert Lewis Balfour". Encyclopædia Britannica (in English). 25 (11th ed.). pp. 907–910. 
2. ↑ https://www.britannica.com/biography/Robert-Louis-Stevenson. Kinua 10-19-22
3. ↑ Osborn, Jacob. "49 most-translated authors from around the world". Stacker. Stacker. Retrieved 26 October 2020.