Adobe

Adobe
Тып	Публічная кампанія
Лістынг на біржы	NASDAQ і Лонданская фондавая біржа
Заснаванне	28 лютага 1982
Заснавальнікі	Джон Уорнак і Чарлз Гешке
Краіна	ЗША
Адрас	Сан-Хасэ Дублін[1]
Галіна	Вытворчасць праграмнага забеспячэння
Прадукцыя	праграмнае забеспячэнне[2]
Уласны капітал	14,8 млрд $ (3 снежня 2021)[3]
Абарот	▼15,8 млрд $ (3 снежня 2021)[3]
Аперацыйны прыбытак	▼5,8 млрд $ (3 снежня 2021)[3]
Чысты прыбытак	▲4,82 млрд $ (3 снежня 2021)[3]
Актывы	27,2 млрд $ (3 снежня 2021)[3]
Капіталізацыя	253 млрд $ (2 лютага 2022)[4]
Колькасць супрацоўнікаў	▲25 988 чал. (3 снежня 2021)[3]
Даччыныя кампаніі	Marketo[d][5] і Adobe Creative Cloud[d]
Сайт	adobe.com (англ.)​ (ням.)​ (фр.)

Adobe Inc. (Эдо́ўбі) — амерыканская кампанія са штаб-кватэрай у Сан-Хасэ, Каліфорнія. Adobe спецыялізуецца на праграмах для стварэння і публікацыі шырокага спектру кантэнту, уключаючы графіку, фатаграфіі, ілюстрацыі, анімацыю, мультымедыя, відэа, кінафільмы і друк. Сярод флагманскіх прадуктаў кампаніі вылучаюцца праграма для рэдагавання выяў Adobe Photoshop, праграма для рэдагавання вектарнай графікі Adobe Illustrator, фармат файла PDF і праграма для працы з ім Adobe Reader. Шэраг прадуктаў ад Adobe прапануецца як частка SaaS-сэрвіса Adobe Creative Cloud.

Adobe была заснаваная ў снежні 1982 года Джонам Уорнакам і Чарльзам Гешке, якія пакінулі Xerox PARC для працы над мовай апісання старонак PostScript.^[6] У 1985 годзе кампанія Apple Computer атрымала ліцэнзію на PostScript для выкарыстання ў сваіх прынтарах LaserWriter, што стала пачаткам рэвалюцыі ў настольных выдавецкіх сістэмах.^[7] Пазней Adobe распрацоўвала анімацыйную платформу Adobe Flash, набытую у кампаніі Macromedia, праграму рэдагавання відэа Adobe Premiere, платформу для лоў-код (англ.: low-code) вэб-распрацоўкі Adobe Muse.

Станам на 2022 год Adobe мела больш за 26 000 супрацоўнікаў па ўсім свеце.^[6] Кампанія лічыцца дамінуючай у сферы распрацоўкі дызайнерскіх і крэатыўных праграм.^[8][9]

1. ↑ https://www.adobe.com/de/about-adobe/impressum.html Праверана 28 ліпеня 2021.
2. ↑ National Software Reference Library
   <a href="https://wikidata.orgview_html.php?sq=&lang=be&q=Track:Q6978597"></a><a href="https://wikidata.orgview_html.php?sq=&lang=be&q=Track:Q176691"></a>
3. ↑ ^{а б в г д е} Adobe Annual Report 2021 SEC 10-K
4. ↑ Forbes Adobe (ADBE) Stock Key Data
5. ↑ https://techcrunch.com/2018/09/20/adobe-gets-its-company-snaring-marketo-for-4-75-billion/
6. ↑ ^{а б} Adobe fast facts (нявызн.) (28 студзеня 2021). Архівавана з першакрыніцы March 26, 2009. Праверана December 6, 2021.
7. ↑ Edwards, Benj. Four reasons the LaserWriter mattered (нявызн.). MacWorld (27 красавіка 2010). Праверана September 24, 2015.
8. ↑ Tilley, Aaron (2023-01-12). "How Adobe Became One of America's Most Valuable Tech Companies". The Wall Street Journal.
9. ↑ The Secret of Adobe's Dominance Position in Design Software (англ.)  (нявызн.) ?. envzone.com (24 кастрычніка 2020). Праверана 21 чэрвеня 2024.