DeLorean DMC-12

DeLorean DMC-12

DeLorean DMC-12 на Вікісховішчы

Агульныя даныя

Вытворца:

DeLorean Motor Company

Выпуск:

1981—1983

Зборка:

DeLorean Motor Company (Данмуры[en], Белфаст, Вялікабрытанія)

Характарыстыкі

Дынамічныя

Разгон да 100 км/г:

10,5 с

На рынку

Сегмент:

S-сегмент

DeLorean DMC-12 — спартыўны аўтамабіль, які выпускаўся ў Паўночнай Ірландыі для амерыканскай аўтамабільнай кампаніі DeLorean Motor Company з 1981 па 1983 год.

Больш распаўсюджаным назвай стала DeLorean, бо гэта была адзіная мадэль, якая выпускалася кампаніяй. У DMC-12 былі выкарыстаныя дзверы тыпу «крыло чайкі». Першы доследны ўзор DeLorean Safety Vehicle (DSV) з’явіўся ў сакавіку 1977 года, а вытворчасць пачалася ў 1981 годзе (першы DMC-12 сышоў з канвеера 21 студзеня на фабрыцы DMC у Данмуры ў Паўночнай Ірландыі). На працягу яго вытворчасці некалькі дэталяў аўтамабіля былі змененыя (капот, колы і інтэр’ер). Да спынення вытворчасці ў 1983 годзе было выраблена каля дзевяці тысяч асобнікаў DMC-12, з якіх прыкладна восем тысяч захаваліся да нашых дзён.

Аўтамабіль стаў шырока вядомы сваім расчаравальным недахопам магутнасці і прадукцыйнасці, які не адпавядаў чаканням, звязаным з яго знешнім выглядам і коштам, але запомніўся сваім з’яўленнем у якасці машыны часу ў медыя-франшызе «Назад у будучыню» пасля 1985 года.

У 2008 годзе машыны вырабляліся пад заказ і аднаўляліся сіламі кампаніі DMC Texas^[1].

1. ↑ Anything But Rusty: Reviewing The DeLorean In 2009 (англ.). Motor Authority. Архівавана з першакрыніцы 22 снежня 2015. Праверана 8 красавіка 2017.