In vino veritas, in aqua sanitas (лац.: Ісціна ў віне, здароўе ў вадзе) — лацінскі выраз, які таксама мае грэчаскі варыянт (грэч. Ἐν οἴνῳ ἀλήθεια …) з тым жа значэннем. Аўтарам з'яўляецца Пліній Старэйшы[1], а фраза на грэчаскай прыпісваецца Алкею.
Герадот сцвярджае, што калі персы вырашылі нешта ў п’яным выглядзе, то рашэнне павінна быць перагледжанае на цвярозую галаву[2]. Рымскі гісторык Тацыт апісаў, як германскія народы вялі нараду на святах, дзе, як яны лічылі, п’янства перашкаджае таму, каб удзельнікі хітравалі паміж сабою[3].