Maret

Maret (hurup Arab Gundul: مارت) atawa Sagwé (hurup Arab Gundul: ساݢوى) entu bulan ketiga di almenak Masèhi-Julian èn Grégorian. Ni bulan punya ari ada 31. Sebenernya mah ya, pas jaman jebot, kira-kira ampé 153 SM, ni bulan ada bulan pertama dalem setahon, jadinya ada keriaan Tahon Baru dah tu di awalnya ni bulan.^[1] Ni bulan punya nama ada diambil deri nama déwa dalem tahayul Romèn^[2], atu déwa perang, nama Mārs (nama bulannya dalem basa Latin: Mārtius), nyang–berales kepercayaan orang Romèn–keruhunnya Romulus ama Remus nyang ada bekaètan ama babad pendirian kota Roma.

1. ↑ H.H. Scullard, Festivals and Ceremonies of the Roman Republic (Cornell University Press, 1981), h. 84; Gary Forsythe, Time in Roman Religion: One Thousand Years of Religious History (Routledge, 2012), h. 14 (kaga' pasti kapan berobahnya).
2. ↑ Hoetink, B. (2007). Ni Hoe Kong: Kapitein TIONG HOA di Betawie dalem tahon 1740. Cit. ke-2. Penerbit Masup Jakarta. Romèn (hurup Arab Gundul: رومين) – Romawi (Indo.); Roman (Ing.); Romein (Wld.).