Mata orang (hurup Arab Gundul: مات اورڠ) atawa mata manusia (hurup Arab Gundul: مات مأنسي) entu bagèan nyang nanggepin cahaya èn gableg berapa paèdah. Sebagé alat indra, mata héwan nété' jadi wasilah pengiatan. Sèl bongkot èn sèl kerucut di selaput cahaya ngebisain adanya penangkepan cahaya sadar èn pengiatan kaya' pembèda-bèdaan kelir èn penangkepan kedaleman. Mata orang gableg ngebèdain barang 10 juta kelir.[1]
Medu ama mata héwan nété' laènnya, sèl-sèl iketan sarap[2] nyang peka cahaya di mata manusia eṇ bukan-pengeja gambar di selaput cahaya nerima sinyal cahaya nyang nyawabin pemantesan gedé-kecilnya anak mata, èn pengaturan ama penekenan hormon mélatonin, serènta nyawabin kiteran jem awak[3].[4]