Bisnis atawa niaga adalah kagiatan manjual wan manukar barang atawa jasa nang tujuannya dapat untung.[1][2] Dalam ilmu ekonomi, bisnis adalah sabuting organisasi nang manjual barang atawa jasa kapada konsumen atawa bisnis nang lain, gasan mandapatakan untung. Sacara historis kata bisnis matan bahasa Inggris business, matan kata dasar busy nang artinya "aur" dalam konteks saurangan, lawan kawan, atawa masyarakat. Dalam artian, aur manggawi aktivitas wan gawian nang mandatangakan kauntungan.
Dalam ekonomi kapitalis, di mana kabanyakan bisnis ampun pihak swasta, bisnis diulah gasan mandapatkan kauntungan wan maningkatkan kamakmuran buhan ampunnya. Nang ampun wan operator maulah sabuting bisnis mandapatkan imbalan sesuai lawan waktu, usaha, atawa kapital nang buhannya barii. Namun kada sabarataan bisnis manyasah kauntungan nang kaya ngini, misalnya bisnis koperatif nang batujuan maningkatkan kasejahteraan sabarataan anggotanya atawa institusi pemerintah nang batujuan maningkatakan kesejahteraan rakyat. Model bisnis nang kaya ngini kontras dengan sistem sosialistik, di mana bisnis besar kabanyakan ampun pemerintah, masyarakat umum, atawa serikat pekerja.
Sacara etimologi, bisnis baarti kaadaan di mana seseorang atau sekelompok orang aur manggawi gawian nang mahasilakan kauntungan. Kata "bisnis" sendiri baisi tiga pamakaian, tagantung skupnya — pamakaian singular kata bisnis kawa merujuk pada badan usaha, yaitu kasatuan yuridis (hukum), teknis, dan ekonomis nang batujuan mangikih keuntungan. Pamakaian nang taluas kawa merujuk pada sektor pasar tertentu, misalnya "bisnis pertelevisian." Pamakaian nang paling luas merujuk pada sabarataan aktivitas nang digawi oleh bubuhan penyedia barang wan jasa. Namun definisi "bisnis" nang bujur masih menjadi bahan barucau sampai wayah ini.
- ^ M.Si, Dr Ir Hj Apiaty Kamaluddin; M.Si, Dr Patta Rapanna, S. E. (2017-07-31). Administrasi Bisnis (dalam bahasa Indonesia). SAH MEDIA. ISBN 978-602-6928-23-8.
- ^ Komunikasi Bisnis, edisi 3 (dalam bahasa Indonesia). Erlangga. ISBN 978-979-781-242-3.