Kasubalahan

Kasubalahan adalah tarjadinya persepsi dalam kundisi sadar tagal kadada rangsang bubujur tarhadap indra. Kualitas matan persepsi nitu tarasai lawan pandarita nahap banar, substansial wan tiba matan luar ruang nyatanya. Panjalasan ngini kawa mambidaakan kasubalahan duwa mimpi, mahayal, ilusi wan pseudohalusinasi (kada sama lawan bujuran persepsi, tagal kada dalam kaadaan tarkendali). Contoh matan kajadian ngini adalah di mana ada urang nang takana gangguan panjanak, ada wayahnya inya marasa tajanak sasuatu, tagal indra panjanak urang di paraknya kada manangkap tagas banda nang dimaksut.

Kasubalahan juwa musti dilainakan lawan delusi di persepsi, rahatan indra manangkap rangsang asli, tagal persepsi asli nang ditarimanya nitu taartikan maksud nang balainan (bizzare). Jadinya urang nang takana delusi ngini parcaya banar lawan ihwal nang kada masuk di akal.