Back كعكة إسبك Arabic Spekkoek AST Spekkoek English Spekkoek Spanish اسپککوک Persian Spekkoek French Lapis legit ID Spekkoek Italian Lapis legit JV Spekkoek Dutch
Lapis legit atawa spekkoek adalah ngaran wadai balapis-lapis nang rasanya manis banar. Wadai ngini dikambangakan wayah panjajahan Walanda. Rarampah gasan maulah wadai ngini mahirip lawan wadai lapis, tagal kada diganti lawan buah pala wan adas.
Wadai ngini dingarani spekkoek (arti harafiah: wadai bacon) marga tampoonnya nang balapis-lapis maingatakan urang lawan bacon (daging babi nang diawitakan). Lapisan-lapisan ngini diulah lawan cara mamakai dua buting adunan; nang kadap lawan nang tarang, dituang tunggal butingan di atas lapisan nang sudah karing. Ulih marga ngitu, maulah lapis legit ngini ngalih wan lawas hanyar tuntung. Kada takajut lamunnya wadai nang nyaman banar ngini larang jua harganya.
Di Indunisia, lapis legit disurungakan gasan Hari Raya Pitrah, Hari Natal, Tahun Puga Cina, wan hari-hari ganal lainnya. Lapis legit pas jua dijadiakan hadiah atawa hantaran gasan acara-acara panting nang kaya ulang tahun atawa pakawinan. Di Walanda, wadai ngini dijadiakan makanan panukup rijsttafel.[1]
- ^ Rinsky, Laura Halpin (2008). The Pastry Chef's Companion: A Comprehensive Resource Guide for the Baking and Pastry. John Wiley and Sons. hlm. 263. ISBN 9780470009550.