TOEFL

Uji Bahasa Inggris Sebagai Bahasa Asing (Bahasa Inggris: Test of English as a Foreign Language), disingkat TOEFL merupakan ujian keharatan berbahasa Inggris nang dipakai sagan mandaptar masuk ke universitas di Amerika Serikat atawa negara-negara nang lain di dunia. Ujian ngini sangat diperluakan hagan pandaptar atawa pemandir nang bahasa ibunya lain bahasa Inggris. Ujian TOEFL ini di laksanaakan ulih kantor ETS (Educational Testing Service) di Amerika Serikat hagan sabarataan pasarta tes di saban dunia

Jenis tes bahasa Inggris TOEFL ini umumnya diperluakan sagan syarat masuk kuliah hampir samua universitas di Amirika Serikat wan Kanada baik sagan parugram undergraduate (S-1) wan graduate (S-2 atau S-3). Hasil tes TOEFL ngini jua kawa dipakai sagan partimbangan keharatan bahasa Inggris calon mahasiswa nang mendaptar ke universitas di negara lain, tarmasuk universitas di Eropa wan Australia. Umumnya, tes TOEFL labih baorientasi lawan American English, wan sadikit balain lawan jenis tes IELTS nang baorientasi kapada British English. Kada nang kaya tes IELTS, tes TOEFL ini pada umumnya kada mampunyai bagian individual interview test. Lain dara pada itu TOEFL pada dewasa ini sudah mulai dipakai dalam dunia pergawian nang dimana toefl ini kawa dipakai sabagai salah sabuting mekanisme perikrutan atawa jenjang kanaikan pangkat.^[1]

Tes TOEFL jua dibagi ka dalam tiga macam tes TOEFL, nang kaya International TOEFL Test, Institutional TOEFL Test, wan TOEFL Like-Test. Parbadiaannya, soal International TOEFL Test rancak hanyar haratan saban palaksanaan test. Sadangkan soal Institutional Test wan TOEFL Like-Test basumber lawan soal-soal babarapa tahun nang tadahulu matan International TOEFL Test.^[2]

Biasanya tes ngini mahabiasakan waktu kurang labih 3 jam wan di laksanaakan dalam 4 bagian:

• listening comprehension,
• grammar structure and written expression,
• reading comprehension, wan
• writing.

1. ^ Irham Ali Saifuddin dkk, p. 20
2. ^ Muhammad. (2013). 17 Tips & Trik Lolos TOEFL. Yogyakarta: Ar-Ruzz Media.