Back .222 Remington Czech .222 Remington German .222 Remington English .222 Remington Spanish .222 Remington French .222 Remington Italian .222 Remington NB .222 Remington Portuguese .222 Remington Russian .222 Remington Slovak
| .222 Remington | |
|---|---|
 A gleiz da zehou : kartouchennoù 7 × 64 mm - .243 Winchester - .222 Remington - .22 Long Rifle | |
| Doareoù | |
| Kalibr | .222 / 5,56 mm |
| Doare douilhez | kreuzenn |
| Doare skeiñ | e-kreiz |
| Bro orin |  Stadoù-Unanet Amerika
|
| Mare implij | Abaoe 1959 |
| Muzulioù | |
| Ø bannadell | 5,7 mm |
| Ø kolier | 6,4 mm |
| Ø skoaz | 9,1 mm |
| Ø korf an douilhez | 9,6 mm |
| Ø strad | 9,6 mm |
| Tevder ar strad | 1,1 mm |
| Hirder an douilhez | 43,2 mm |
| Hirder ar gartouchenn | 54,1 mm |
| Perzhioù all | |
| Pouez ar vannadell | 3 - 4 g |
| Tizh o vont e-maez V0 | 895 - 1092 m/s |
| Energiezh ar vannadell | 1512 - 1590 J |
| Lezenn | |
| Rummad e Bro-C'hall | C |
An .222 Remington zo ur munision skoet war e zro, savet gant Remington Arms Co. e 1950 evit ar garabinenn-vorailh M722. N'eo ket deveret deus ur munision all, met heñvel a-walc'h eo ouzh unan .30-06 bihanoc'h. Pouez ar bannadelloù a zo alies etre 3,24 ha 3,56 g (50 da 55 greunenn), da chaseal jiboez munut pe evit ar sportoù tennañ da skouer, met a-wechoù e kaver lod a ra betek 5,83 g (90 greunenn). Resis-kenañ eo ar munision-mañ betek 200 metr hag implijet kenañ e vez da chaseal loened gwelet evel noazus (lern, avanked-Spagn) pe c'hoazh yourc'hed chaseet en ur dostaat.
Anvet eo .222 Remington, koulskoude ne ra ket ar vannadell .222" (5,56 mm) rik, .224" (5,70 mm) kentoc'h. An .223 Remington, anvet ivez 5,56 × 45 mm NATO hag a gaver el lod brasañ eus ar fuzuilhoù-arsailh implijet gant broioù AFNA (M4 hag M16, FAMAS), a zo deveret deus an .222 Remington. Ral eo armoù-tan an arme kambret e .222 Remington.
Ne vez ket implijet kalz ar c'halibr-mañ en Amerika ken : eno e raer muioc'h gant an .223 Remington, a zo marc'hadmatoc'h abalamour da stokoù dreist an arme. Poblek-kenañ eo an .222 Remington en Europa, ha dreist-holl e Frañs : er vro-se eo renket er rummad C (munision chaseal) pa vez renket an .223 Remington er rummad B (munision a ranker resev aotre ur prefed da implijout pe da brenañ anezhañ).