Bloc'h (taolenn drovezhiek)

E taolenn drovezhiek an elfennoù, ur bloc'h zo ur bodad elfennoù kimiek ez eo heñvel o gwiskad amsav, eleze an amestez pellañ eus kraoñell an atomenn ma tro an elektronennoù a gemer perzh el liammoù kimiek.
En atomennoù diazez^[1], ar gwiskadoù amsav o deus an hevelep niver pementadel eilrenk ${\displaystyle \ell }$ ("ell") a zeskriv o amestez pellañ (a zo ur gevreizhenn wagenn e gwirionez, n'eo ket un amestez evel hini an Douar tro-dro d'an Heol).

Hervez talvoudegezh ${\displaystyle \ell }$ eo an niver brasañ a elektronennoù a zo war un amestez, ha pep talvoudegezh he deus un anv saoznek, evel diskouezhet en daolenn-mañ :

Is-gwiskadoù evit an niver pementadel eilrenk ${\displaystyle \ell }$

${\displaystyle \ell }$ =	Gwiskad	Arouez	Muiañ niver a elektronennoù	Anv
0	An holl	s	2	(en) sharp
1	An 2vet ha pelloc'h	p	6	(en) principal
2	An 3vet ha pelloc'h	d	10	(en) diffuse
3	Ar 4vet ha pelloc'h	f	14	(en) fundamental
4	Ar 5vet ha pelloc'h	g	18	(diouganet hepken eo ${\displaystyle \ell }$ = 4)
5	Ar 6vet ha pelloc'h	h	22	(diouganet hepken eo ${\displaystyle \ell }$ = 5)
6	Ar 7vet ha pelloc'h	i	26	(diouganet hepken eo ${\displaystyle \ell }$ = 6)
Goude al lizherenn f e heulier urzh al lizherenneg, war-bouez j hag al lizherennoù a zo bet implijet dija.

Da heul an daolenn-se ez eo bet anvet bloc'hoù an daolenn drovezhiek ; pevar bloc'h zo neuze, a zo anvet s, p, d ha f.

• Peuznes hepken eo al liamm etre an anvioù-se, a zo diazezet war dasparzh an elektronennoù en atomennoù, hag ar bloc'hoù elfennoù a zo bet renket hervez o ferzhioù kimiek.

1. ↑ Anvec'hiet eo an atomennoù diazez, kement a rannoù muiel (+) hag a re leiel (-) zo enno, n'int ket ionoù neuze.