Brezel Seizh Vloaz

Brezel Seizh Vloaz

brezel

Lec'h	Europa, Amerika, Filipinez, Afrika ar C'hornaoueg, India
Deiziad kregiñ	17 Mae 1756
Deiziad echuiñ	15 C'hwe 1763

Ar Brezel Seizh Vloaz zo ur brezel en a c'hoarvezas adalek 1756 betek 1763 e meur a rannved (Europa, Norzhamerika, India hag all), ha dre-se ez eo bet keñveriet ouzh ar Brezel-bed kentañ.

Ar re a gemeras perzh eo Rouantelezh Bro-C'hall, enebet ouzh Rouantelezh Breizh-Veur en un tu, Arc'hdugelezh Aostria ouzh Rouantelezh Prusia en tu all. Koulskoude, dre c'hoari an emglevioù etre ar Stadoù ez eo hogos holl Stadoù Europa hag o zrevadennoù a gemeras perzh er brezel. Gwelet e voe Spagn o harpañ Bro-C'hall, ha Rusia o harpañ Aostria. Lavaret e vez peurvuiañ e krogas ar brezel d'an 29 a viz Eost 1756, pa lammas Friedrich II, roue Prusia, war Briñselezh Sachsen, petra bennak ma oa kroget an emgannoù e trevadennoù Norzhamerika a-raok ober o reuz en Europa.

Kemmoù bras a voe e kempouez ar galloudoù en Europa da heul ar brezel. Savet e voe an Impalaeriezh saoz, an hini kreñvañ a-hed an XIX^vet kantved, ma'z eas da get an trevadennoù gall bet savet er XVII^vet kantved en Indez ha Kanada, ha kreñvaet e voe pouez Prusia pa voe trec'h en emgann Rossbach war ar C'hallaoued, hag en emgann Leuthen war an Aostrianed e 1757.

Bellerien ar Brezel Seizh Vloaz
Rouantelezh Breizh-Veur Rouantelezh Iwerzhon Amerika Vreizhveurat Est India Company Dilennouriezh Braunschweig-Lüneburg Kengevredad Haudenosaunee Prusia Portugal (adalek 1762) Brazil Estado da Índia Priñselezh Braunschweig-Wolfenbüttel Landgraviezh Hessen-Kassel Priñselezh Schaumburg-Lippe	An emglevioù etre ar broioù a-raok ar brezel	Rouantelezh Bro-C'hall Bro-C'hall Nevez Compagnie française des Indes orientales Kengevredad Abenaki Impalaeriezh santel roman german Unpenniezh Habsburg Dilennouriezh Sachsen Impalaeriezh Rusia Impalaeriezh Spagn Spagn Nevez (adalek 1762) Impalaeriezh Sveden (1757-1762) Impalaeriezh Voghol (adalek 1757) Soubah Bengal (adalek 1757)