Back مشاة البحرية Arabic Dəniz piyadası Azerbaijani Марская пяхота Byelorussian Морска пехота Bulgarian Infanteria de marina Catalan چەکدارە دەریایییەکان CKB Môr-filwr Welsh Marineinfanteri Danish Marineinfanterie German Πεζοναύτες Greek
Fuzuilherien-vor (pe troadegiezh-vor) a vez graet eus soudarded gourdonet evit bezañ mailh kement war an douar ha war ar mor, alies gant arbennigourezh war an dilestradegoù. A-fed istor, ar c'hefridioù a oa fiziet er fuzuilherien-vor a oa argadennoù bliv war an arvorioù (dreist-holl evel harp d'ar morluioù) hag abourzhañ bigi enebour e-kerzh emgannoù bag-ouzh-bag pe evit pakañ bigi.
Ar fuzuilherien-vor a ro harp evit kefridioù surentez, frammadur, hag urzh war al listri (a-fed istor e oant e-giz un nerzh evezhiañ evit talañ ouzh emsavadegoù gant ar vartoloded all war vourzh). Ma'z eo chomet ar memes kefridioù ganto hiziv-an-deiz evit an darn vras anezho, ouzhpennet ez eus bet obererezhioù evel oberiadurioù respont bliv, harp denel, sikour goude gwallreuzioù, oberiadurioù nerzhioù ispisial, hag oberiadurioù enep-sponterezh.
E darn eus ar broioù, an droadegiezh-vor zo un isrann eus ar morluioù Stad, evel er Rouantelezh-Unanet gant ar Royal Marines. E lod broioù all avat ez eo ar fuzuilherien-vor un isrann eus an tirlu pe arme zouar, evel e Bro-C'hall gant an Unvezioù mor. Gellout a ra ivez ar fuzuilherien-vor, met kalz raloc'h eo, bezañ ur skourr en unan eus an nerzhioù lu evel Korf Fuzuilhourien-vor ar Stadoù-Unanet pe Troadegiezh Morlu Ukraina.