Galfrez

Galfrez zo ur meuz graet gant toaz skañv poazhet etre div blakenn vetal hag a ro ur stumm ha ment d'ar c'halfrezenn. An houarn-galfrez a vez graet eus ar mekanik d'ober anezho. Dont a ra ar ger eus ar frankeg wafla, anavezet er Grennamzer uhelañ. Hiziv eo boued dibar Benelux (an Izelvroioù, Belgia, norzh Bro-C'hall), hag an Alpoù (Traoñienn Aosta, tiriad Republik an Escartons, Suis gallek). Debret e vezont er bed a-bezh avat, evel dibenn-pred pe merenn-vihan peurliesañ. Er Stadoù-Unanet e vezont debret da lein. Kavet e vezont alies er c'hermesoù, foarioù ha kurioziteoù en Europa.

Ur bern galfrez zo hervez an toaz ha stumm an houarn-galfrez. Setu un nebeud anezho :

• galfrez Brusel : hirgarrezek, ugent kleuzenn, graet gant goell, skañv ha brusk, pallennet gant dienn Chantilly pe sukr lindr,
• galfrez gant frouezh : hirgarrezek, gwarniset gant frouezh,
• galfrez Dukark : galfrez bihan sec'h, ront ha strak
• galfrez Hong Kong : pallennet gant amann, amann arachidez ha sukr, ha pleget e daou
• galfrez Liège : graet gant goell, gant kanell, « digorn », 24 kleuzenn, debret klouar
• galfrez Holland pe galfrez Gouda, ar stroopwafel  : stumm ur bladenn, troc'het e daou en o zevder, gwarniset gant siros karamel
• galfrez patatez : toaz graet gant patatez

Kalz traoù a c'hall bezañ lakaet war ar galfrez : sukr, amann, chokolad, dienn Chantilly, frouezh, mel, kaotigell, siros, dienn skornet...