Gwareg (arm)

Ur wareg zo un arm, anezhañ ur walenn gromm e koad, metal pe un danvez all, a stigner ur gordenn outañ hag a dalvez da vannañ saezhoù er pellder. Gwechall e veze graet ar gwaregoù gant prenn hag ar saezhoù ivez alies. Bremañ avat e vez implijet danvezioù kevanaozet skañvoc'h ha kaletoc'h war un dro.

Gant ar gwaregoù boas e c'haller tennañ saezhoù war-hed kant metr, ha gant lod e c'hall ar saezhoù bezañ bannet betek pevar c'hant metr. Implijet e veze ar gwaregoù gwechall evit chaseal hag evit ober brezel. Bremañ e vezont embreget gant sportourien peurvuiañ. Unan eus sportoù ar C'hoarioù Olimpek eo ar gwaregata.

• 
  Ur gwareger e Tibet e 1938