Back Henry James Afrikaans ሄንሪ ጄምስ Amharic هنري جيمس Arabic هنرى جيمس ARZ Henry James AST Henri Ceyms Azerbaijani هنری جیمز AZB Henry James BCL Генры Джэймс Byelorussian Гэнры Джэймз BE-X-OLD
Henry James (New York, 15 Ebrel 1843 – Londrez, 28 C'hwevrer 1916) a oa ur skrivagner stadunanat, marvet e Bro-Saoz. Ur skrivagner a bouez e voe e dibenn an XIXvet kantved ha sellet a reer outañ evel unan eus ar romantourien saoznek vrasañ. Breur e oa d'ar prederour ha psikologour William James ha d'ar skrivagnerez Alice James.
Anavezet eo dreist-holl abalamour d'un toullad romantoù ma teskriv an darempredoù etre Stadunaniz hag Europiz hag o darempred gant ar galloud er gevredigezh. E-touez ar romantoù-se emañ The Portrait of a Lady, The Ambassadors ha The Wings of the Dove.
En e levrioù skrivet diwezhatoc'h e klaskas muioc'h-mui ober gant doareoù-skrivañ nevez. Deskrivañ a rae stad spered an tudennoù hag o emdroadur, evel ma ne veze ket graet kalz gant ar skrivagnerien saoznek betek e vare. Abalamour da se eo bet keñveriet e skridoù gant taolennoù an Impresionourien.
Ouzhpenn romantoù e voe embannet gant Henry James : danevelloù, pennadoù ha levrioù skridvarnerezh, levrioù beaj, pezhioù-c'hoari, arnodskridoù ha kounskridoù. Daoust ma oa bet ganet er Stadoù-Unanet ez eas da chom da Europa, betek ober e annez e Bro-Saoz ha dont da vezañ Breizhveurad e 1915, bloaz a-raok e varv.
Kinniget e voe e anv meur a wech da gaout ar Priz Nobel evit al Lennegezh, e 1911, 1912 ha 1916[1].
- ↑ (en) 'Lists of Nobel Prizes and Laureates - Nomnation Database'. Kavet : 01 Du 22.