Kerzhadeg (atleterezh)

Unan eus diskiblezhioù an atleterezh eo ar gerzhadeg. Ret eo groñs d'ar genstriverien kerzhout hep redek e mod ebet : un troad, da nebeutañ, a rank bezañ a-stok ouzh al leur tra ma chom sonn-tre ar c'har harp (hep ma vije pleget he glin).

Div gevezadeg e kaver er C'hoarioù olimpek hañv kement hag er c'hampionadoù atleterezh meur, an 20 km (kerzhadeg) evit ar baotred hag ar merc'hed hag an 50 km (kerzhadeg) evit ar baotred hepken.