Ar Gredo[1] pe ar C'hredo[2] zo pedenn diazez an holl Ilizoù kristen ; un disklêriadur an hini eo hag a zibun holl velladoù ar feiz kristen. Ar « Simbol » a vez graet eus an disklêriadur-se.
En henc'hresianeg eo bet savet da gentañ e-giz : Πιστεύομεν εἰς ἕνα Θεὸν Pisteuomen eis hena theon. Lakaet goude e latin e-giz : Credo in unum Deum ("Krediñ a ran en un Doue hepken") ha diwezatoc'h c'hoazh e yezhoù pep pobl. Ar stumm latin zo chomet en implij en Iliz katolik roman betek kreiz an XXvet kantved. Dre se eo chomet brudet an anv « Credo » betek bezañ implijet en ur ster ledan gant meur a yezh.