Llangrannog

Llangrannog zo ur gêriadenn hag ur gumuniezh en arvor kornok Kembre, e Ceredigion. 775 a dud zo enni. 46,5% anezho a oar kembraeg (hervez niveridigezh 2011) hepken met an holl dud etre 15 ha 19 vloaz a c'hell ober gant ar yezh.

Emañ ar vourc'h en un draonienn strizh war vord ar stêr Hawen a furm ul lamm-dour e-kreiz ar gêriadenn. A-dreñv al lamm-dour-mañ emañ an darn goshañ, kêriadenn an iliz hec'h anv. Ne c'heller ket he gwelout adalek ar mor, ar pezh he deus he diwallet diouzh ar vorlaerien e-pad ar Grennamzer. Suroc'h e oa bord ar mor goude an XIX^vet kantved hag ur gêr nevez a voe savet e-kichen an draezhenn war un dro gant ur porzhig.

Er gumuniezh emañ ivez Blaen Celyn, Pentre-gat, Pontgarreg, Rhydcolomennod hag Ynys Lochtyn.