Back لوكاس دى هير ARZ Lucas de Heere German Λούκας ντε Χέιρε Greek Lucas de Heere English Lucas de Heere Esperanto Lucas de Heere Spanish Lucas D'Heere French Lucas de Heere Italian Lucas d'Heere Dutch Хере, Лукас де Russian
Lucas de Heere (1534 e Gent - 29 a viz Eost 1584 e Pariz) a oa ul livour flamank. Ouzhpenn livañ poltredoù ha gweledvaoù e oa ivez barzh ha skrivagner.
Protestant e oa, ha rankout a reas tec'hout pa darzhas Brezel ar Pevar-Ugent Vloaz a-enep da Fulup II Spagn, a venne diskar ar brotestantiezh. De Heere a dec'has kuit war-du Bro-Saoz, ha distreiñ a reas goude Peoc'h Gent e 1576.
Brudet-tre e oa, ha pinvidik-mor e teuas da vezañ. Ar poltred a reas eus Catrin o Ferain a c'haller gwelout e Mirdi Broadel Kerdiz. Gantañ e voe livet ur poltred eus Fulup II e 1553, evel m'eo testeniet en ul lizher gant ar c'hardinal Granvelle ; soñjal a reer ez eo al livadur a c'haller gwelout hiziv an deiz e mirdi ar Prado[1].
E Bro-Saoz e voe kelenner da veur a arzour izelvroat: John de Critz, marteze ivez Marcus Gheeraerts yaouank, ha marteze ivez ar Saoz Robert Peake kozh.
- ↑ Museo del Prado, Catálogo de las pinturas, 1996, p. 172-3, Ministerio de Educación y Cultura, Madrid