Marfisa d'Este

Marfisa d'Este (Ferrara, war-dro 1554 – idem, 1608) a oa bastardez da Francesco d'Este ha n'ouzer ket anv he mamm. Divastardet e voe Marfisa hag he c'hoar Bradamante (ganet e 1559) gant ar pab Gregor XIII hag Alfonso II d'Este.

Gwareziñ a reas an arzourien^[1] ha dreist-holl Torquato Tasso^[2].

D'ar 5 a viz Mae 1578 e timezas d'he c'henderv Alfonsino di Montecchio, mab da Alfonso di Montecchio, met hennezh a varvas pevar miz goude. He zad a roas ur palez dezhi, krog e sevel en 1559, hogen dilezet goude he marv^[1], hag ivez ar "San Silvestro" hag ar Palazzo Schifanoia.

E miz Genver 1580 ec'h addimezas da Alderano Cybo-Malaspina (1552-1606), priñs Massa ha Carrara. Pa voe daskoret dugelezh Este d'ar pab en 1598 e nac'has Marfisa mont da-heul he zud da gêr Vodena hag e chomas en Ferrara gant he fried er palez he devoa bet digant he zad.

1. ↑ ^1,0 ha^1,1 Musei Civici di Arte Antica di Ferrara - Palazzina Marfisa d'Este
2. ↑ Musei Civici di Arte Antica di Ferrara - Chi è Marfisa D’Este?