Back ميكونوس Arabic Миконос Bulgarian Míkonos Catalan Mykonos (pulo) CEB Mykonos Czech Mykonos Danish Mykonos German Μύκονος Greek Mykonos English Mikonoso Esperanto
Mykonos (Μύκονος e gresianeg; Myconus e latin) zo un enezenn eus Enezeg ar C'hikladez e kreiz Mor Egea, etre Tinos (e gwalarn), Syros (er Kornôg), Paros (e mervent) ha Naksos (e su). 86 km2 zo dezhi, ha n'eo ket uheloc'h eget 364 m. Greunvaenek eo an douar, ha kras. 6.200 a dud a oa e 2002. Kêr Mikonos eo ar gêr vrasañ er c'hornog.
Da gentañ e teue tud di a-benn mont alese da weladenniñ monumantoù Delos, e-kichenik. Bremañ e vez gweladennet gant touristed a bep bro.
Kaer eo an traezhennoù ha birvidik ar vuhez e-pad an noz. Al lec'h hañviñ brudetañ eus Gres eo, un tamm evel Eivissa, pe Sant-Tropez e broioù arall.