Priz Anne Frank

Priz Anne Frank (nederlandeg : Anne Frank-prijs) a oa ur priz lennegezh a voe roet etre 1957 ha 1966 en Izelvroioù gant izili an Diazezadur izelvroat-amerikan^[1].

Krouet e voe ar priz gant Albert Hacket ha Frances Goodrich, hag o doa savet ur pezh-c'hoari diwar deizlevr Anne Frank^[2]. Gant o fezh-c'hoari e tapjont priz Pulitzer 1956^[3]. Ar priz a oa da vezañ roet da skrivagnerien yaouankoc'h evit 30 vloaz, hag a bep seurt lennegezh a voe priziet : romantoù, barzhonegoù, pezhioù-c'hoari, arnodadennoù pe danevelloù.

E-touez ar skrivagnerien brudet a dapas kaout ar priz emañ Harry Mulisch^[4] ha Cees Nooteboom^[5].

1. ↑ Letterkundig Museum, Anne Frank Prijs, https://web.archive.org/web/20110724093957/http://www.letterkundigmuseum.nl/tabid/99/AwardID/12/AwardName/Anne%20Frank-prijs/Mode/ViewAwardYears/Default.aspx
2. ↑ Frances Goodrich and Albert Hackett, http://www.filmreference.com/Writers-and-Production-Artists-Gi-Ha/Goodrich-Frances-and-Albert-Hackett.html, filmreference, 2008
3. ↑ Pulitzer Prizes for Drama, http://www.pulitzer.org/bycat/Drama
4. ↑ Man Booker Prize Contender, Harry Mulisch, http://www.themanbookerprize.com/prize/authors/237
5. ↑ Cees Nooteboom ontvangt Prijs der Nederlandse Letteren, http://www.kb.nl/dossiers/nooteboom/literaireprijzen.html