Sara Lidman

Sara Lidman
Ganedigezh	30 a viz Kerzu 1923 Missenträsk e Kumun Skellefteå
Marv	17 a viz Even 2004 en Umeå
Yezh skrivañ	svedeg
Enorioù	Priz lennegezh Kuzul an Norzh 1980 gant Vredens barn
kemmañ

Sara Lidman (30 a viz Kerzu 1923 e Missenträsk e Kumun Skellefteå - 17 a viz Even 2004 en Umeå) a oa ur skrivagnerez svedat.

Ganet e voe e kêriadenn Missenträsk e norzh Kumun Skellefteå, ha desavet e voe er Västerbotten, e norzh Sveden. Studiañ a reas e skol-veur Uppsala met ne gasas ket he studioù da benn peogwir e voe tapet gant an droug-skevent. Brudet e teuas da vezañ gant he romant Tjärdalen. Ennañ hag e Hjortronlandet e pled gant dodenn an arallekadur hag an digenvez. En he romantoù e skrivas ivez diwar-benn buhez start kouerien baour rannvro Västerbotten en XIX^vet kantved. He doare da skrivañ e voe levezonet gant rannyezhoù hag ar Bibl.

Ouzhpenn skrivañ romantoù e voe oberiant war an dachenn bolitikel. Sevel a reas a-enep Brezel Vietnam (beajiñ a reas da Norzh Vietnam hag e kemeras perzh e lez-varn Russell) hag ivez a-enep an apartheid e Suafrika. Sevel a reas a-du gant harz-labour ar vengleuzierien e norzh Sveden, hag e voe oberiant en emsav komunour ha war dachenn difenn an endro. Goude 1977 e skrivas pemp romant ma kont trevadenniñ norzh Sveden enno.