Back Serge Gainsbourg Afrikaans سيرج غينسبور Arabic سيرج جينسبور ARZ Serj Gensbur Azerbaijani سرژ قنزبور AZB Серж Генсбур Byelorussian Серж Генсбур Bulgarian Serge Gainsbourg Catalan Serge Gainsbourg Corsican Serge Gainsbourg Czech
|
Ul lodenn eus ur raktres kaset da benn gant Lise Diwan Karaez eo ar pennad-mañ. Krouet eo bet ar bajenn-mañ gant ul lisead·ez. Evit gouzout hiroc'h, kit da welet amañ. Gallout a rit reizhañ ar pennad, met evit mad ar raktres e vefemp plijet mar rofec'h hoc'h ali diwar al labour (hag a vo priziet) bet graet gant al lisead·ez ; grit 'ta e pajenn ar gaozeadenn.
|
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
| |
|---|---|
| Lesanv | Julien grix, Gainsbarre, Ar paotr e benn-kaol |
| Anv | Lucien Ginsburg |
| Ganedigezh | 2 a viz Ebrel 1928 Pariz |
| Marv | 21 a viz Meurzh 1991 Pariz |
| Rummad kanañ | Son gall, Reggae ha Pop |
| Micher | Oberour-kompozer-kaner, Filmour ha Aktour |
| Rummad vouezh | Baryton |
| Benveg sonerezh | Piano, gitar, akordeoñs, armonika |
| Label(où) | Philips (strollad Universal Music) |
Serge Gainsbourg, bet ganet Lucien Ginsburg d'an 2 a viz Ebrel 1928 e Pariz (Seine d'ar mare-se, Bro-C'hall) ha marvet d'an 2 a viz Meurzh 1991 er memes kêr, a oa un aktour, livour, kaner-sonaozer, filmaozer, pianoour, skrivagner, ha saver senario gall.
Mab e oa da zivroerien yuzev rus. En e yaouankiz e hunvree bezañ livour. Dont a reas da vezañ brudet e-giz kaner-sonaozer, ha stekiñ a reas ouzh meur a zoare-sonerezh, met ivez ouzh ar sinema hag al lennegezh. Koulskoude, pa grogas da vont war al leurenn ne oa ket ken aes ha se dre e gorfelezh diaes. E vuhez pad, Serge Gainsbourg a c'houzañvas dre m'en doa ar santimant da vezañ laosket a-gostez ha dre ar skeudenn a gase dezhañ e velezour : hini ur paotr termenet e-giz droch. Krouet en deus meur a film, videooù-klipoù ha kompozet ouzhpenn 40 bandenn-sklent.
A-benn ar fin en em krouet eo ur skeudenn barzher milliget hag arveller. Testennoù e ganaouennoù a c'hoari kalz war ur ster doubl hag a ro ur skeudenn eus e goust evit an arvell, dreist-holl orgedus (Lemon Incest) pe gadalek (Love on the Beat). Plijout a ra ivez da Serge Gainsbourg c'hoari gant e venegoù lennegel evel Alphonse Allais (l'Ami Caouette) pe Paul Verlaine (Je suis venu te dire que je m'en vais). Koulskoude, soñjal a ra dezhañ e oa ar c'hanaouennoù, ha dreist-holl komzoù ar c'hanaouennoù, evel un dra ha n'eo ket ken pouezus ha se, memes ma implije stummoù barzhek evel e-barzh Comment te dire adieu ?.
Dre zaremprediñ ha daremprediñ, Gainsbourg a hoalo merc'hed brav-tre, eus Brigitte Bardot da « Bambou », Caroline Paulus eus e wir anv, hag a roio dezhañ e vugel diwezhañ, Lucien, « Lulu », en ur dremen dre Jane Birkin, gant piv en do e verc'h Charlotte Gainsbourg.