Back She's Not There English She's Not There Spanish She’s Not There Finnish She's Not There French ഷി ഈസ് നോട്ട് ദേർ Malayalam She's not there Dutch She's Not There Portuguese She’s Not There Russian She's Not There Swedish
She's Not There (N'emañ-hi ket aze e brezhoneg) zo ur ganaouenn saoznek gant ar strollad sonerien rock breizhveuriat The Zombies. Savet e oa bet gant ar soner saoz Rod Argent.
2:25 he fadelezh, enrollet e oa bet d'an 12 a viz Mezheven 1964 e studioioù Decca Records (West Hampstead, Londrez). Perzh eo eus ar bladennig a oa deuet er-maez d'ar 24 a viz Gouere 1964, You Make Me Feel Good war he zu B. Bez' e voe lakaet e-barzh kentañ albom The Zombies — Begin Here — deuet er-maez er Rouantelezh-Unanet e miz Meurzh 1965. An albom The Zombies, deuet er-maez e Stadoù-Unanet Amerika e miz Genver 1965, a c'haller he c'havout ennañ ivez.
Renket e voe da wellañ kanaouenn gant ar gelaouenn stadunanat Cashbox ha lakaet da eil gant Billboard e penn-kentañ miz Kerzu 1964.
E miz Meurzh 2014 en devoa implijet an embregerezh Chanel ar ganaouenn e-barzh ur bomm bruderezh (an aktourez saoz Keira Knightley o c'hoari ennañ) da-geñver ur c'houlzad brudañ evit ur c'hwezh-vat nevez-savet.