Tchingiz C'han

Poltred faltaziek Tchingiz C’han. Mirdi broadel Taipei (Taiwan)

Tchingiz C’han^[1] (distaget: [ʧiŋgɪs χaːŋ]; mongoleg: Чингис Хаан; sinaeg: 成吉思汗; turkeg: Cengiz Han) Temüjin (mongoleg: Тэмүүжин; sinaeg 鐵木真, pinyin: Tiěmùzhēn) diouzh e anv gwir, ganet e 1162 ha marvet e 1227 a voe alouber hag impalaer en Azia. C’han^[2] ha C’hagan (C’han ar C'haned pe C’han Meur) a voe e lesanvioù politik. Impalaer mongol e voe. Unvaniñ a reas ar meuriadoù turk ha mongol kantreer eus kreiz Azia ha dre-se e savas e impalaeriezh. Aloubiñ a reas al lodenn vat eus Azia, Sina, Rusia, Persia, darnvuiañ ar Reter-Nesañ. Reter Europa a yeas gantañ ivez.

E vab-bihan, Koubilai C'han, a voe impalaer kentañ an Tiernelezh Yuan e Sina.

1. ↑ Menegiñ a reas ar furm brezhonek-se Meven Mordiern : Gwalarn, niv. 86, Genver 1936, p. 41.,
2. ↑ Talvezout a ra roue ar ger holldurgek c’han ha c’hagan a zo evel impaler.