Tim Powers

Timothy Thomas Powers (29 a viz C'hwevrer 1952 e Buffalo) a zo ur skrivagner skiant-faltazi amerikan. Hiziv an deiz e vez o chom e Muscoy (Kalifornia). Gwelet e vez evel unan eus krouerien al lennegezh steampunk, asambles gant James Blaylock ha K.W. Jeter. Kelenner darn amzer eo e skol arzoù kontelezh Orange (Kalifornia). El lod brasañ eus e romantoù e kaver tud wir ha darvoudoù istorel mesket gant elfennoù all ijinet gantañ. Da skouer e kaver Coleridge ha Lord Byron e-barzh The Anubis Gates (Lord Byron a gaver en-dro e-barzh The Stress of her Regard), ar morlaer saoz Barv Du e-barzh On Stranger Tides, pe c'hoazh Thomas Edison e-barzh Expiration Date.