Tour-tan ar Porzhig

Tour-tan ar Porzhig
Phare du Portzic

Lec’h	Mulgul Brest, Brest, Penn-ar-Bed, Bro-C'hall
Daveennoù lec'hiañ	48° 21′ 30″ N 4° 32′ 03″ W / 48.3583, -4.5342
Tour
Savet	1848
Dafar	granit (tour)
Emgefreekaet	1994
Uhelder	35 metr
Uhelder diwar live ar mor	63 metr
Stumm	eizhkorneg
Merkoù	n’eo ket livet (tour), ruz (letern)
Mammenn energiezh	tredan-ti
Statud gladel	e renabl hollek an herezh sevenadurel
Gweladenniñ	ne reer ket
Annezet	n'eo ket
Gouloù
Uhelder fokalenn	56 metr
Diraez	17 mil-mor
Doareenn ar sinal	Oc(2) WR 12s

Tour-tan ar Porzhig zo un tour-tan savet war aod hanternoz mulgul Brest. War zouar kumun Brest emañ.

Savet e voe e 1847-1848, war un dachenn a oa d'an arme, war Beg ar Porzhig, nepell diouzh kreñvlec'h ar Porzhig. D'ar mare-se ivez e voe savet tour-tan ar Minou, pelloc'h er gornaoueg. Ganto o-daou e vez diskouezet d'ar bigi pelec'h emañ genoù morlenn Brest.

Enaouet e oa bet evit ar wech kentañ d'ar 1añ a viz Genver 1848. Tredanaet e oa bet e 1953 hag emgefrekaet e 1994. Bremañ e vez pellgontrollet eus tour-tan ar C'hreac'h, en Eusa.

Ur semafor zo e traoñ an tour. Alese e vez eveshaet tremenerezh ar bigi a ya tre e morlenn Brest pe a ya kuit diouti.

Ur gouloù pennañ zo, gant ur sklaeriad gwenn hag unan ruz, ha gouleier bihan gwenn o strinkellikat.