Troad absolutivel

Er yezhoniezh e vez implijet an termen troad absolutivel (saoz.: absolutive case) evit komz eus un droad implijet evit merkañ koulz rener ur verb amdranzitivel ("S") ha renadenn/gouzañver ur verb tranzitivel ("O"/"P")

Enebet e vez ouzh an droad ergativel implijet evit merkañ rener/graer ur verb tranzitivel ("A").

Implijet e vez an droad-mañ gant ar yezhoù gante ur steudadur morfologel-kevreadurezhel ergativel-absolutivel, da skouer en euskareg:

mutil ("paotr"): lostger "-a" merk an absolutivel unander:

mutila etorri da ("dont a reas ar paotr")

Irakasleak mutila ikusi du ("ar c'helenner a welas ar paotr")

(amañ: al lost ger "-ak" eo merk an ergativel)

Peurliesañ e vez merket an troad ergativel ha amverk an droad absolutivel er yezhoù ergativel-absolutivel.