Weekly Young Sunday

Weekly Young Sunday (japaneg : 週刊ヤングサンデー) a oa ur magazin manga seinen sizhuniek a veze embannet e Japan gant Shōgakukan. An niverenn gentañ a zeuas er-maez d'an 10 a viz Ebrel 1987.^[1] Kemer a reas lec'h Shōnen Big Comic ha kalz mangaoù bet embannet e-barzh Shōnen Big Comic a gendalc'has e-barzh Young Sunday. Anvet e veze ivez Yansan (ヤンサン).

A-benn lidañ 20vet deiz-ha-bloaz ar magazin e voe aozet ur werzh gant Shōgakukan ha Yahoo! Auctions Japan hag an argant dastumet avoe roet d'ar Groaz Wer. Meur a vangaka a roas tresadennoù orin sinet ha Shōgakukan a roas objedoù rouez liammet ouzh ar managoù embannet er magazin.^[2],[3]

D'an 30 a viz Mae 2008 ec'h embannas tud Shōgakukan e vefe paouezet ar magazin, hag an niverenn ziwezhañ a zeuas er-maez d'an 31 a viz Gouere 2008.^[4]

1. ↑ http://www.animenewsnetwork.com/encyclopedia/manga.php?id=4978 Young Sunday, Anime News Network
2. ↑ https://web.archive.org/web/20060619191900/http://special.auctions.yahoo.co.jp/html/youngsunday/charity.html%7Ctitle%3D%E9%80%B1%E5%88%8Aヤングサンデーチャリティーオークション Yahoo! Auctions Japan, 2 a viz Meurzh 2006
3. ↑ http://www.animenewsnetwork.com/news/2006-03-02/young-sunday-20th-anniversary-charity-auction Young Sunday 20th Anniversary Charity Auction, Anime News Network, 2 a viz Meurzh 2006
4. ↑ http://www.tokyograph.com/news/id-3298 Shogakukan suspends Young Sunday, Tokyograph