Wikipedia:Degemer mat

Ho trugarekaat a reomp da gemer perzh er Wikipedia, an holloueziadur digor, frank a wirioù, ha skrivet a-stroll.

Savet eo bet ar bajenn-mañ evit ho lakaat da zizoleiñ ar Wikipedia brezhonek, n'eo ket eus an tu kalvezeleus tu ar gumuniezh ne lavaromp ket. Evit gwir ez eus ur gumuniezhad vras a dud a-dreñv Wikipedia. Kemerit amzer d'ober anaoudegezh ganti. Gant ar pajennoù-mañ ho po ur sell dre vras war ar gumuniezh.

Ur reolenn aour zo e Wikipedia : na chomit ket da dermal, grit ho kemmoù er pennadoù rak-tal. Reizhit er pennadoù ar pezh a zo da reizhañ, ha klokait anezho. Ar reolenn-mañ eo diazez kentañ Wikipedia, ha hini ar raktres evit ar pep brasañ.

Mar n'hoc'h ket evit padout gant ar c'hoant da gemer perzh hep lenn pep tra, kit da Kammedoù kentañ evit kregiñ mat. Mard oc'h en sell da gemer perzh en un doare reoliek en ho pedomp da lenn aketus an tamm pennad divrazañ-mañ. Kerkent ha ma vo bet krouet ho kont implijer pe implijerez ganeoc'h, na chomit ket etre daou soñj evit en em ginnig gant un nebeud gerioù e Kannadig ar berzhidi nevez !